حاجات لازم تكون فى بيتك قبل رمضان

حان الوقت للإستعداد وإستقبال الشهر الكريم، ونعلم أنكِ تودين الإستمتاع بشهر رمضان مثل بقية أفراد الأسرة، لذا عليكِ بالإستعداد لقدوم رمضان بإعداد منزلك من الآن لذلك إستغلى الأيام القادمة فى تنظيف المنزل،

حاجات لازم تكون فى بيتك قبل رمضان

حان الوقت للإستعداد وإستقبال الشهر الكريم، ونعلم أنكِ تودين الإستمتاع بشهر رمضان مثل بقية أفراد الأسرة، لذا عليكِ بالإستعداد لقدوم رمضان بإعداد منزلك من الآن لذلك إستغلى الأيام القادمة فى تنظيف المنزل، وخاصة الأمور التى تستهلك وقت، وتعيق أيضا حركتك فى المنزل بسرعة وحرية، وتظلى تحميلين همها معظم الوقت، انتهي منها الأن، وإليكِ هذه النصائح.

استعدادات شهر رمضان:

  • اشتري سائل أطباق اكتر من ازازه حتى لا تحتاجي الى النزول في رمضان.
  • الستاير والسجاجيد اغسليها وشيليها جاهزه على التركيب( قبل رمضان باسبوع).
  • رتبي دواليب الملابس ودواليب المطبخ (قبل رمضان بيومين او ثلاثه).
  • قومي بشراء ادوات مطبخ جديدة.
  • تفريز الاعشاب مثل البقدونس والكزبره والنعناع والكرفس لانهم بيأخدوا وقت في التنظيف والفرم جاهزيهم مكعبات.
  • تفريز مكعبات جزر للطبخ وجزر مبشور للسلطه والتتبيلات.
  • فرم كمية ثوم وتفريزها وتاخدي منها بالمعلقة سريعة وجاهزة.
  • فرم كمية من البصل وتفريزة.
  • عمل كميه من عصاج اللحم عشان الرقاق والجلاش والبشاميل وغيره وتفريزها.
  • عمل كميه من خلطة الدجاج لحشو السبرنج رول والسمبوسه وغيره وتفريزها.
  • تجهيز عجينة السمبوسة وحشوها بحشوات متنوعه وتفريزها وتكون جاهزه على القلى. (قبل رمضان باسبوع)
  • تفريز كمية ورق كرنب وورق عنب جاهز على الحشو اي وقت تلاقيه متوفر وسعره مناسب بيفضل لحد سنه كما هو.
  • تجهيز كمية من خلطة المحشي وتفريزها.
  • أعملي كمية من الفول المدمس وعجينة الفلافل والقلابه وقسميهم أكياس وفرزنيهم (قبل رمضان بيومين).
  • عمل كمية من مكعبات الطماطم والليمون والبرتقال للاستخدام.
  • سيحي الزبده وحوليها سمن وحطيها في علب ف الثلاجة.
  • تفريز كمية من البطاطس نص مقلية.
  • خبز كمية رقاق او تشتريها قبل رمضان بأسبوعين.
  • تجهيز كمية من شربات الحلويات خفيف وتقيل.
  • تجهيز كمية من صوص الشيكولاته هنحتاجه في بعض الحلويات
  • تجهيز كمية من صوص التوفي.
  • المكسرات جهزيها متقشره كل نوع لوحده في علبه مغلقة.
  • تجهيز كمية من صوص الباربيكيو للمشاوي والصوصات.
  • تجهيز كميه من الطحينة.
  • أطحني كمية من كل التوابل اللي بتستخدميها وخليها جاهزة.
  • اطحني كمية من السكر عشان هنحتاجه في بعض الحلويات.
  • جهزي أطباق كفتة وكبة وفرزنيهم وطلعيهم على التسوية.
  • جهزي كمية من مكعبات مرقة الدجاج البيتي.
  • جهزي كمية من خلطه البانية.
  • فرزني كمية من عصاير جاهزة على الشرب.
  • الفراخ واللحوم قسميهم على حسب أستخدامك أكياس مغسلوين تخرجيهم على الطهي.
  • جهزي تتبيلة السمك والسي فوود وفرزنيها.
  • جهزي البانيه متقطع ومتقسم أكياس وكذلك الشاورما متقطعه وبس تتبليها ف دقايق.
  • الفلفل الأخضر والأحمر افرمي شويه من كل نوع وفرزنيهم وخدي منهم بالمعلقه لاي أكله أو سلطة.
  • راجعي كل محتويات مطبخك وبيتك واكتبي الناقص فى ورقة ثم قومي بشراءه من الان.
  • اعملي قمر الدين اول ما المشمش يظهر وفرزيه باكياس فى الفريزر.
  • اسلقي كمية من الحمص وفرزنيه سوف تحتاجيه في بعض الاكلات.
  • لو بتحبوا البيتزا والمعجنات اعملي كمية وجهزيهم فى اطباق ديسبوزابال وطلعيها على الفرن.
  • قومي بشراء الدقيق ولوازم حلويات وتسالي العيد قبل رمضان بأسبوع.
  • الخضار اللي هتحتاحيه نظفيه وفرزنيه اكياس جاهزه للاستخدام (باميه - بسله - فاصوليا - قلقاس).
  • جهزي مخللات رمضان قبلها بشهر على الاقل حتى تستوي في الثلاجة.
  • لو عندك عزومات اعملي جدول لها حسب وقتك وظروفك وفي ورقه اكتبي كل محتوى عزومة.